RUTA "LAGO DEL VALLE", PARQUE NATURAL DE SOMIEDO

Hoxe seguimos no Parque Natural de Somiedo para descubrir e percorrer a ruta de sendeirismo que nos acerca ao "Lago del Valle".

A ruta sae do pobo Valle del Lago ao que se chega desde Pola de Somiedo por unha empinada estrada. Unha vez atravesamos o pobo, que está a 1200 metros de altitude, atopamos un estacionamento onde deixamos o coche.

Si queredes aínda podedes acercarvos uns 500 metros máis en coche e deixalo ao carón dunha fonte, despois de pasar o barrio de L`Outeiro,  pero polo xeral non hai sitio onde aparcar e como se trata de andar, pois nada mellor que empezar desde o inicio.

A ruta discorre por unha pista bastante ancha e pola que transitan coches, pero soamente os relacionados coas explotacións gandeiras e a xestión do propio Parque, polo que é  apta para ir en bicicleta sen maior problema.

Esta ruta ten unha distancia de 7,5 quilómetros ida e outros tantos de volta e un desnivel suave, polo que non ten dificultade e faise perfectamente con nenos. 

Polo camiño hai varias cabanas con teito de escoba e moitas vacas soltas que parecen non fixarse en nós sempre que non se lles moleste. 

Os primeiros dous quilómetros discorren á beira do río e ao sol pero por un camiño completamente chan para empezar despois o ascenso.

Debemos ter coidado no cruce que ten unha sinal medio rota para non equivocarnos de camiño. 

Neste desvío debemos subir polo camiño da dereita (algo máis longo) que debería de ter o sinal de "sombra" e que se fai moito máis ameno porque vas polo medio dun bosque de faias.

Si se opta polo camiño da esquerda iremos todo o tempo a pleno sol e cunha gran subida final. 

Cando nós estivemos case todas as persoas subían polo sol, imaxinamos que por non ter a sinalización correcta e dubidar.

Na seguinte foto apréciase perfectamente o camiño polo que subes si optas por ir ao sol.  

Despois duns 7 quilómetros chegamos ao lago que non se ve ata que se está xusto nel.

A nós aínda nos quedaron forzas para bordealo todo, percorrido que recomendamos para divisalo desde todas as perspectivas posibles.

Unha vez no Lago recargamos enerxías cuns bocatas para iniciar despois o retorno, que se fai moi tranquilo e suave por ser case sempre de baixada.

O Lago del Valle é o de maior superficie de Asturias. Pero esta superficie é resultado  das obras realizadas para o aproveitamento hidroeléctrico na central "La Malva". 

Desde o Lago poderíamos continuar a ruta ata chegar aos Lagos de Saliencia e ao Alto da Farrapona. Esta ruta tería un total de 14 quilómetros engadidos ao xa percorridos e so de ida e con moita ascensión (Un total de 21 so nun sentido).

Polo que si se desexa facer a ruta enteira, o aconsellable é facela ao revés, é decir, iniciala no Alto da Farrapona, ir ata os Lagos de Saliencia, continuar ata o Lago del Valle, baixar ata o pobo Valle del Lago e ter alí un coche para retornar.

Nós nesta ocasión fixemos as dúas rutas aos lagos pero por separado e en distintos días.

En breve seguiremos dando voltas!

MUSEOS E CENTROS DE INTERPRETACIÓN, PARQUE NATURAL DE SOMIEDO

Na entrada de hoxe imos acercarnos ás posibles  visitas que podemos realizar  no Parque Natural de Somiedo, en Asturias e  nas vindeiras entradas centrarémonos nas rutas de sendeirismo que realizamos neste mesmo Parque.

A primeira das nosas paradas foi no ECOMUSEO DE SOMIEDO, formado por tres visitas diferentes e distantes entre elas pero cunha liña en común: a vida e a casa no rural.

A entrada é unica polo que se  poden visitar os tres núcleos en días diferentes (as casa de teito de escoba, a casa dos oficios e a trashumancia e o recinto dos traballos agrícolas que non visitamos e polo tanto non imos comentar). 

1. AS CASAS DE TEITO DE ESCOBA situadas en Veigas, de camiño hacia o Alto da Farrapona.

 

A visita en Veigas é guiada. A nós guiounos unha rapaza súper amable que nos foi explicando cada unhas das vivendas, a súa construcción, o mantemento, os utensilios que había nas casas, as datas ata as que estiveron habitadas e outras informacións interesantes. 

A visita fíxose amena e os nenos disfrutaron dela.  

Ademáis as vistas dende a aldea son realmente fermosas!

2. A CASA DOS OFICIOS E A TRASHUMANCIA, situada Caunéu a dous quilómetros escasos de Pola de Somiedo.

Atópase nunha escola dos anos 50 construída por un veciño emigrante en Cuba.

Nesta escola podemos ver os utensilios e  as ferramentas dalgúns dos oficios daquela época, como o ferreiro, o canteiro ou o madreñeiro entre outros. 

No primeiro piso da escola atopamos un percorrido pola historia da propia escola e no seguinte piso unha pequena exposición sobre a trashumancia gandeira na zona.

3. Outra das visitas si nos atopamos pola zona é o CENTRO DE INTERPRETACIÓN DO PARQUE NATURAL DE SOMIEDO,  situado no centro de Pola de Somiedo e no mesmo edificio onde está a oficina de turismo.

A súa visita é gratuíta e consiste en diferentes paneis explicativos sobre a xeoloxía da zona, a fauna, a flora, a convivencia co oso etc

Para os nenos non resultou unha visita atractiva, xa que non hai nada interactivo e simplemente se trata de paneis para ler.

Sen alonxarnos demasiado e tamén en Pola de Somiedo temos o A CASA DO OSO, animal de referencia neste parque natural.

O oso forma parte da vida das xentes deste pobo e eso vese reflectido nas súas historias.

A visita consta dun vídeo de 20 minutos bastante interesante e entretido con gravacións de osos da zona nas diferentes épocas do ano.

Ademáis explica o cambio de mentalidade da xente con respecto a este animal, que pasou de ser visto como un rival  temerario a ser respectado e coidado, para así preservar a súa existencia.

No recinto exterior da Casa do oso podemos visitar un hórreo por dentro onde se fai referencia á relación do oso e o mel.

A última das visitas que realizamos foi a CASA DO LOBO, situada en Belmonte e que para nós foi a mellor das visitas xunto coas casa de teito de escoba.

A casa do lobo consta de dúas entradas diferentes, unha á propia exposición con paneis explicativos referentes ao lobo e outra que é unha visita a un cercado onde hai 3 lobos.

Parécenos totalmente recomendable ir ata o cercado. Esta visita é  guiada e consta dun paseo de media hora á beira do río ata chegar ao recinto onde teñen os lobos. 

Durante este paseo a rapaza vai explicando un montonazo de información sobre a natureza, a fauna e a flora que nos imos atopando.

Unha vez nos acercamos ao cercado é cando nos explican o motivo polo que eses tres lobos están alí e non poden ser reintegrados na natureza.

Explican a historia de cada un, a súa situación actual e deixan facer as preguntas que se queiran, respondendo sempre dun modo súper amable tanto a nenos como a adultos.

Para finalizar este percorrido polas posibles visitas no Parque Natural de Somiedo non queremos esquecernos do HÓRREO DE URRÍA.

Este hórreo é de especial importancia xa que é o único en Asturias construído en madeira de faia e o único que queda con teito de escoba. 

Nas vindeiras entradas seguiremos dando voltas por este fermoso Parque Natural de Somiedo!

MIRADOR DO COUCE E FERVENZA DE AUGA CAÍDA, MAÑÓN.

Hoxe imos acercarnos ata o río Sor, que fai de fronteira natural entre as provincias de Lugo e A Coruña. O Sor nace na Serra da Faladoira e desemboca no mar Cantábrico formando a marabillosa ría do Barqueiro.

Visitaremos na nosa entrada o Mirador do Couce e a fervenza de Auga Caída do río Sor que se atopan a uns 14 quilómetros da poboación do Barqueiro. 

Hai que sinalar que ata o mirador pódese chegar no coche, máis nós decidimos aparcar na antiga escola dos anos 20 situada en Mañón e facer o camiño andando.

Merece a pena facer unha parada na primeira aldea, onde se atopa a única taberna que queda e que está situada nun antigo edificio que era o Concello. Tamén está o antigo palco da música e a igrexa.

Esta aldea foi nos seus tempos un importante núcleo comarcal onde se realizaba a feira de Mañón, á que acudían persoas de toda a zona.

Como mostra desta importancia podemos ver que quedan en pé as construcións que se utilizaban para expoñer os produtos a vender.

Continuamos o camiño descendendo por unha estrada con bastante desnivel. 

Hai que sinalar que os últimos 900 metros antes de chegar ao Mirador son dun desnivel bastante considerable, sobre todo para volver con nenos!

Unha vez cheguemos ao Mirador do Couce, darémonos conta de que non se ve a fervenza producida polo río Seixo que verte as súas augas polo lado esquerdo do Sor cunha caída de 50 metros.

Para descubrir a fervenza en todo o seu esplendor deberemos seguir baixando un quilómetro ata a orilla do río, xa que o mirador atópase na parte alta da fervenza.

Esta baixada non é apta para carriños de bebé, polo que debedes telo en conta á hora de ir con nenos pequenos.

Nós visitamos a fervenza en agosto, polo que a caída de auga era moi leve, pero aínda así merece a pena. 

Desde alí podemos iniciar diversas rutas ata chegar a algúns dos refuxios de pescadores que ten o río Sor e que son imprescindibles de coñecer. Refuxios que están bastante acondicionados para pasar o día de merendola familiar!

Nós nesta ocasión non continuamos ruta hacia eses refuxios senón que volvimos subir ata o Mirador para regresar polo coche.

No Mirador hai unha área recreativa bastante descoidada. Ten unhas mesas e bancos para poder comer e un refuxio en mal estado, pero unhas vistas espectaculares do canón do río Sor.

Por todo o anterior, merece a pena acercarse a este remanso de tranquilidade e natureza. 

En breve seguiremos dando voltas!