REGO DOS CORUXOS, GAÑIDOIRA.

Hoxe imos de ruta ata a parroquia de Santa María do Viveiró no Concello de Muras, en plena Serra do Xistral e cunhas vistas espectaculares.

Trátase dunha ruta circular duns case 10 quilómetros, con gran beleza e pouca dificultade. 

O seu inicio está na plaza do Viveiró, lugar onde podemos aparcar o coche, tomar algo ou comer ao regreso; e sitio ademáis, onde se atopan uns paneis informativos sobre a camiñata.

O primeiro tramo da ruta transcorre por estrada, tratándose do menos fermoso do paseo. Este tramo non chega a 2 quilómetros para despois desviarnos hacia unha pista de terra.

A ruta está completamente sinalizada cunha balizas de madeira polo que non hai pérdida posible nin  marxe ao erro. En cada estaca indícase a distancia hacia ambos lados.

Unha vez chegamos á ponte de madeira sobre o río, concretamente sobre o Rego dos Coruxos, atopamos a parte máis fermosa da ruta. 

A única dificultade é que en época de chuvia non está moi transitable, xa que é unha zona moi húmida e mollada pola enchenta do río.

Ademáis hai que cruzar o río nalgunha ocasión e si leva moita auga non é posible facelo polas pedras que hai colocadas.

Por eso aconsellamos planificar esta ruta no verán ou comezos de outono, época na que os nosos montes están ben fermosos e no seu máximo esplendor.

A ruta continúa pola marxe esquerda do río ata que finalmente debemos cruzalo, punto crítico dependendo do caudal que leve o Rego.

A partir de aquí atopamos unha pequena e agradable subida ata chegar ao alto para comezar a baixar novamente hacia a estrada de asfalto.

Pareceunos un paseo moi agradable e sinxelo que recomendamos realizar para coñecer máis o entorno próximo tan fermoso que temos.

Aproveitando que estabamos preto, decidimos ir coñecer o miradoiro do parque eólico de Muras que tantas veces vimos fotografiado e ao que nunca fóramos.

Trátase dun sitio precioso que non defrauda, cunhas vistas impresionantes (agás mirades para os eólicos),  moito vento e moi pouca contaminación lumínica si o visitades de noite.

Nós seguiremos dando voltas!

RUTA DOS POZOS, FERREIRA DO VALADOURO.

Hoxe acercámonos ao Concello de Ferreira do Valadouro para coñecer a ruta dos pozos e a fervenza Pozo da Onza.

Trátase dunha camiñata duns case 5 quilómetros e sen dificultade, non é de gran beleza pero resulta agradable para ir en familia e moverse un pouco.

Nesta ocasión, a ruta atopámola mal sinalizada e pouco coidada. Esperemos que non sexa sempre así!

O paseo comeza na ponte chamada Tras dos ríos, no lugar de A Portela. Desde alí comézase a camiñar pola marxe esquerda do rego de Ferreira, por un camiño de pescadores ata chegar á Poza das Moscas.

Desde alí o camiño vai entre o bosque e coa compañía do río formando outras pozas ata chegar  á Poza da Onza onde se forma a fervenza.

A ruta non transcorre soamente por pistas e camiños á beira do río, senón que tamén hai estrada de asfalto para poder chegar ata a fervenza á que chegamos despois de pasar unha pequena ponte e subir uns escalóns de pedra e algo resbalacidos en época húmida.

A ruta finaliza na fervenza, que é un pequeno salto duns 15 metros de altura desde o que debemos retornar polo mesmo camiño de ida.

Esperamos que vos guste e nós seguiremos dando voltas!

SAN CLODIO E AS SÚAS FORMIGAS, OUTEIRO DE REI.

Hoxe imos ata San Clodio no concello de Outeiro de Rei, moi pretiño de Lugo, para coñecer a famosa aldea das formigas, da que tantas veces levamos visto fotografías.

A aldea é obra dun veciño, enxeñeiro e gandeiro que decidiu, coa súa paciencia e habilidade, transformar a súa aldea nun conto especial no que as formigas son as protagonistas. 

As horas de traballo e esforzo aínda teñen máis mérito cando percibimos que practicamente todo está elaborado con materiais reciclados e coa axuda doutros veciños e veciñas que colaboran na súa elaboración e coidado.

Tampouco falta o humor e a actualidade, con ironía e imaxinación. Aquí temos referencias ao Covid, ás PCR e as vacinas, palabras tan de moda nestes tempos!

O que empezou cunha decena de figuras foi en aumento ata ter un verdadeiro paseo cheo de imaxinación e creatividade tan necesarias para a vida.

En definitva, a aldea das formigas trátase dun lugar precioso para ir con nenos e nenas e pasar un par de horas  amenas e divertidas. 

Noraboa ao seus creadores e non esquezamos que ao finalizar o percorrido podemos deixar a nosa colaboración para o seu mantemento e coidado. Aquí temos unha hucha con forma de porquiño!

Nós seguiremos dando voltas! Ata pronto!

RUTA DOS MUÍÑOS DE XABREGA, RIBEIRA SACRA LUCENSE.

Esta ruta está no Concello de Sober, na provincia de Lugo e corresponde a un pequeno tramo da ruta oficial: Sendeiro dos viñedos da Ribeira Sacra (PR-G 86).

A ruta discorre á marxe do río Xabrega, onde no pasado había unha gran concentración económica debido á existencia duns 28 muíños de fariña e 2 batáns.

Parte deses muíños foron restaurados por varios talleres de empleo e ao mesmo tempo, habilitouse esta pequena pero fermosa ruta.

O inicio desta ruta está na aldea de A Boca. Trátase dun sendeiro sinalizado que baixa á marxe do río e ten unha lonxitude duns 4 quilómetros. 

Despois destes 4 quilómetros, a ruta remata no mirador e embarcadoiro chamado Os Chancís desde onde obtemos unha panorámica marabillosa do río Sil.

Para nós trátase dun paseo agradable pero sen moito máis. A Ribeira Sacra ten moitas paraxes fermosas para ver, percorrer e visitar, polo que só a recomendaríamos si xa se coñece a zona ou si se dispón de tempo abondo.

Nós seguiremos dando voltas en familia!