Entre os Concellos de Xove e Viveiro atópase esta fervenza do río Loureiro (afluente do río Landro) chamada o Pozo da Ferida.
Conta a lenda que as súas augas teñen unha cor escura porque, hai ben anos, unha señora que levaba un feixe de mulime para os animais caeu no pozo e non foi quen de levantarse.
O paseo para chegar á fervenza é curto, xa que se chega no coche ata preto dela.
Trátase dun camiño de terra, cunha baixada curta e bastante pronunciada. A lonxitude total é dun quilómetro máis ou menos no que descendemos da parte alta da fervenza ata os seus pés, polo que se pode observar desde arriba. Coidado cos nenos porque resulta algo perigoso!
Xa abaixo atopamos unha "poza" e un salto de auga fermosos. Un sitio ideal para relaxarse co ruído da auga.
Animádevos! Nós seguiremos dando voltas!
Ningún comentario:
Publicar un comentario