Serra Gelada é un parque natural que está entre Benidorm e Alfaz del Pi e no que se poden realizar diferentes rutas.
Nós escollimos a que se inicia en Albir, un pequeno pobo costeiro que está situado a uns 8 quilómetros de Benidorm.
No seu inicio conta cun aparcamento gratuíto e cuns baños públicos.
A ruta discorre por unha pista asfaltada, totalmente apta para bicicletas e patinetes.
Este paseo ten unha distancia de 5 quilómetros ida e volta polo que é moi doado de facer con nenos.
A ruta non ten practicamente desnivel e resulta moi cómoda, ademáis de ser moi fermosa polas vistas que se poden ir observando: Altea, Calpe ou o peñón de Ifach son algunhas das marabillas que se poden admirar.
No seu camiño hai moitos paneis informativos sobre a flora, a fauna, as minas de cobre ou o faro de Serra Gelada.
Un destes paneis explicaba como nalgunhas das rochas se conservaban fósiles de animais xa extinguidos e que se poden distinguir perfectamente.
A medio camiño empezamos a observar o faro ao final do percorrido e tamén as minas de ocre que dan esa tonalidade amarela escura ao terreo e que funcionaron ata principios do século XX.
Na actualidade pódense observar os restos da casa do capataz e os pilares que sostiñan os raís polos que baixaban as vagonetas co mineral para cargar nos barcos e transportarse.
A ruta remata no Centro de Interpretación Faro de Albir que foi o que máis nos desilusionou xa que pensamos que se podía visitar o faro por dentro.
O único que é visitable son dúas salas da parte baixa cunhas exposicións de fotos: unha sobre a vida no faro en tempos pasados e outra sobre animais mariños.
A ruta é recomendable si estades pola zona. Sempre senta ben dar unha volta e airearse!
