FERVENZA AUGACAÍDA, PANTÓN, RIBEIRA SACRA LUCENSE.

Agora que novamente podemos sair por algúns concellos galegos, imos de paseo ata a Ribeira Sacra lucense, concretamente ao Concello de Pantón e na parroquia de Marce.

Alí atopamos a Fervenza de Augacaída, impresionante polo entorno e o fermoso sendeiro que nos acerca ata ela.

O traxecto ten unha lonxitude duns 1400 metros de ida, que se poden ampliar para chegar ata o antigo Castro de Marce, do que non queda nada pero que merece a pena pola vista sobre o río Miño.

O sendeiro discorre entre parcelas que noutra época foron cultivadas e que, actualmente, están cubertas por carballos e outras árbores frondosas.

O acceso á fervenza ten un considerable desnivel de 220 metros, pero é no último tramo  cando presenta maior pendente.

Para facilitar o camiño, este último tramo está previsto de escaleiras e pasarelas de madeira. 

Despois de salvar ese desnivel, chegamos á fervenza de Augacaída, un salto de auga no regato Aguianza que ten uns 40 metros e que presenta gran beleza.

Xa de retorno e despois de subir a pendente,  recomendamos xirar á esquerda e acercarse ata  o Castro de Marce que se atopa a uns 500 metros e que está rodeado de misterio e lendas como a que conta que neste alto vivían os homes acuáticos ou xacios.

O que está claro é que desde esta estratéxica cima podían vixiar as zonas de ribeira e o antigo porto (porto de Chouzán) que se atopa no outro lado do río.

Desde alí atopamos unha bonita vista!

Si estades de visita pola Ribeira Sacra recomendamos acercarse a facer esta ruta porque é de gran fermosura.

Nós seguiremos dando voltas en familia sempre que nos deixe a situción actual!