A ruta da Auga atópase no Concello de Guitiriz (Lugo) e ten unha lonxitude duns 20 quilómetros en total, polo que se trata dunha camiñata bastante longa, ademáis hai que ter en conta que non é lineal e que debemos buscar a forma de regresar ao punto inicial. A ruta está sinalizada como PR-G 99.
Esta ruta discorre pola marxe dos ríos Parga e Ladroil.
Nós non a fixemos toda, senón que percorrimos o camiño que separa Parga de Guitiriz, un total duns 10 km ao borde do río Ladroil.
Trátase dun paseo agradable e sinxelo, xa que non hai desnivel. O único problema que se pode atopar en época de choivas é que se encha o camiño de barro e non se poida andar comodamente.
Neste ENLACE á web do Concello de Guitiriz tedes información sobre a ruta ao completo.
Unha vez que chegamos ao pobo de Guitiriz decidimos dar por finalizada a ruta e comer alí, xa que aínda que era un día de agosto, choveunos bastante e o día non acompañaba demasiado.
Si continuamos un quilómetro máis desde Guitiriz atópase a Área recreativa de Sete muíños, onde ademáis de varios muíños ben conservados podemos desfrutar dunha pequena piscina natural.
Nesta zona tamén hai un parque infantil e mesas para merendar.
